Parijdagi Iqtisodiy hamkorlik va taraqqiyot tashkiloti (IHTT) shtab-kvartirasida O‘zbekistonning Soliq ishlari bo‘yicha o‘zaro maʼmuriy yordam to‘g‘risidagi konvensiyaga qo‘shilishi munosabati bilan ushbu xalqaro hujjatni imzolash marosimi bo‘lib o‘tdi.

Mazkur hujjat soliq hamkorligi sohasidagi muhim ko‘p tomonlama xalqaro vositalardan biri hisoblanadi. Konvensiyaga qo‘shilish O‘zbekistonning soliq sohasidagi xalqaro hamkorlikni yana-da rivojlantirishida muhim ahamiyatga ega.